ThiruPaarkadal ( Vyugam )
| Azhwar | Paasuram | Count |
|---|---|---|
| பெரியாழ்வார் | பெரியாழ்வார் திருமொழி | 5 |
| ஆண்டாள் | திருப்பாவை | 1 |
| ஆண்டாள் | நாச்சியார் திருமொழி | 2 |
| குலசேகராழ்வார் | பெருமாள் திருமொழி | 2 |
| திருமழிசை ஆழ்வார் | திருச்சந்த விருத்தம் | 9 |
| திருமழிசை ஆழ்வார் | நான்முகன் திருவந்தாதி | 4 |
| தொண்டரடிப் பொடியாழ்வார் | திருமாலை | 1 |
| திருமங்கையாழ்வார் | பெரிய திருமொழி | 9 |
| திருமங்கையாழ்வார் | திருநெடுந்தாண்டகம் | 2 |
| பொய்கையாழ்வார் | முதல் திருவந்தாதி | 1 |
| பூதத்தாழ்வார் | இரண்டாம் திருவந்தாதி | 2 |
| பேயாழ்வார் | மூன்றாம் திருவந்தாதி | 4 |
| நம்மாழ்வார் | திருவிருத்தம் | 1 |
| நம்மாழ்வார் | பெரிய திருவந்தாதி | 2 |
| நம்மாழ்வார் | திருவாய்மொழி | 6 |
| Total | 51 | |
பன்றியும் ஆமையும் மீனமு மாகிய பாற்கடல் வண்ணா உன்மேல் *
கன்றி னுருவாகி மேய்புலத் தேவந்த கள்ள அசுரன் தன்னை *
சென்று பிடித்துச் சிறுக்கைக ளாலே விளங்கா யெறிந்தாய் போலும் *
என்றும்என் பிள்ளைக்குத் தீமைகள் செய்வார்கள் அங்கனமா வார்களே
பையர வினணைப் பாற்க டலுள் பள்ளி கொள்கின்ற பரம மூர்த்தி *
உய்ய உலகு படைக்க வேண்டி உந்தியில் தோற்றி னாய்நான் முகனை *
வைய மனிசரைப் பொய்யென் றெண்ணிக் கால னையும் உடனே படைத்தாய் *
ஐய இனிஎன்னைக் காக்க வேண்டும் அரங்கத் தரவணைப் பள்ளி யானே
வெள்ளை வெள்ளத்தின் மேல்ஒரு பாம்பை மெத்தை யாகவிரித்து * அதன் மேலே
கள்ள நித்திரை கொள்கின்ற மார்க்கம் காண லாங்கொல்என் றாசையி னாலே *
உள்ளம் சோர உகந்தெதிர் விம்மி உரோம கூபங்க ளாய் * கண்ண நீர்கள்
துள்ளம் சோரத் துயிலணை கொள்ளேன் சொல்லாய்யான்உன்னைத் தத்துறு மாறே
** அரவத் தமளியி னோடும் அழகிய பாற்கட லோடும் *
அரவிந்தப் பாவையும் தானும் அகம்படி வந்து புகுந்து *
பரவைத் திரைபல மோதப் பள்ளிகொள் கின்ற பிரானை *
பரவுகின் றான்விட்டு சித்தன் பட்டினம் காவற்பொ ருட்டே
** பனிக்கடலில் பள்ளிகோளைப் பழகவிட்டு * ஓடிவந்துஎன்
மனக்கடலில் வாழவல்ல மாயமணாள நம்பீ *
தனிக்கடலே தனிச்சுடரே தனியுலகே என்றென்று *
உனக்கிடமா யிருக்கஎன்னை உனக்குஉரித் தாக்கினையே
வையத்து வாழ்வீர்காள் நாமும்நம் பாவைக்குச் * செய்யும் கிரிசைகள் கேளீரோ * பாற்கடலுள்
பையத் துயின்ற பரம னடிபாடி * நெய்யுண்ணோம் பாலுண்ணோம் நாட்காலே நீராடி *
மையிட்டு எழுதோம் மலரிட்டு நாம்முடியோம் * செய்யா தனசெய்யோம் தீக்குறளைச் சென்றோதோம் *
ஐயமும் பிச்சையும் ஆந்தனையும் கைகாட்டி * உய்யுமாற் எண்ணி உகந்தேலோர் எம்பாவாய்
குண்டுநீருறை கோளரீமத யானைகோள்விடுத் தாய் * உன்னைக்
கண்டுமாலுறு வோங்களைக்கடைக் கண்களாலிட்டு வாதியேல் *
வண்டல்நுண்மணல் தெள்ளியாம்வளைக் கைகளால்சிர மப்பட்டோம் *
தெண்டிரைக்கடற் பள்ளியாய்எங்கள் சிற்றில்வந்து சிதையேலே
பொங்கிய பாற்கடல் பள்ளிகொள் வானைப் புணர்வதோ ராசயி னால் * என்
கொங்கை கிளர்ந்து குமைத்துக் குதுகலித் தாவியை யாகுலஞ் செய்யும் *
அங்குயி லேஉனக் கென்ன மறைந்துறைவு ஆழியும் சங்குமொண் தண்டும் *
தங்கிய கையவ னைவரக் கூவில்நீ சாலத் தருமம் பெறுதி
மாலையுற்றக டல்கிடந்தவன் வண்டுகிண்டுந றுந்துழாய் *
மாலையுற்றவ ரைப்பெருந்திரு மார்வனைமலர்க் கண்ணனை *
மாலையுற்றெழுந் தடிப்பாடித்தி ரிந்தரங்கனெம் மானுக்கே *
மாலையுற்றிடும் தொண்டர்வாழ்வுக்கு மாலையுற்றதென் நெஞ்சமே
ஒண்பவள வேலை யுலவுதண் பாற்கடலுள் *
கண்துயிலும் மாயோன் கழலிணைகள் காண்பதற்கு *
பண்பகரும் வண்டினங்கள் பண்பாடும் வேங்கடத்து *
செண்பகமாய் நிற்கும் திருவுடையே னாவேனே
ஏகமூர்த்தி மூன்றுமூர்த்தி நாலுமூர்த்தி நன்மைசேர் *
போகமூர்த்தி புண்ணியத்தின் மூர்த்தியெண்ணில்
மூர்த்தியாய் * நாகமூர்த்தி சயனமாய்ந லங்கடல்கி டந்து * மேல்
ஆகமூர்த்தி யாயவண்ண மெங்கொலாதி தேவனே
விடத்தவாயொ ராயிரமி ராயிரம்கண் வெந்தழல் *
விடுத்துவீழ்வி லாதபோகம் மிக்கசோதி தொக்கசீர் *
தொடுத்துமேல்வி தானமாய பெளவநீர ராவணை *
படுத்தபாயல் பள்ளிகொள்வ தென்கொல்வேலை வண்ணனே
வானிறத்தொர் சீயமாய் வளைந்தவாளெ யிற்றவன் *
ஊன்நிறத்துகிர்த்தலம ழுத்தினாய் உலாயசீர் *
நால்நிறத்த வேதநாவர் நல்லயோகி னால்வணங்கு *
பால்நிறக்க டல்கிடந்த பற்பநாப னல்லையே
படைத்தபாரி டந்தளந்த துண்டுமிழ்ந்து பெளவநீர் *
படைத்தடைத்த திற்கிடந்து முன்கடைந்த பெற்றியோய் *
மிடைத்தமாலி மாலிமான்வி லங்குகால னூர்புக *
படைக்கலம் விடுத்தபல்ப டைத்தடக்கை மாயனே
பரத்திலும்ப ரத்தையாதி பெளவநீர ணைக்கிடந்து *
உரத்திலும்மொ ருத்திதன்னை வைத்துகந்த தன்றியும் *
நரத்திலும்பி றத்திநாத ஞானமூர்த்தி யாயினாய் *
ஒருத்தரும்நி னாதுதன்மை யின்னதென்ன வல்லரே
கடைந்தபாற்க டல்கிடந்து காலநேமி யைக்கடிந்து *
உடைந்தவாலி தந்தனுக்கு உதவவந்தி ராமனாய் *
மிடைந்தவேழ்ம ரங்களும டங்கவெய்து வேங்கடம் *
அடைந்தமால பாதமே யடைந்துநாளு முய்ம்மினோ
விடைக்குலங்க ளேழடர்த்து வென்றிவேற்கண் மாதரார் *
கடிக்கலந்த தோள்புணர்ந்த காலியாயவேலைநீர் *
படைத்தடைத்த திற்கிடந்து முன்கடைந்து நின்றனக்கு *
அடைக்கலம்பு குந்தவென்னை யஞ்சலென்ன வேண்டுமே
அடக்கரும்பு லன்கள்ஐந்த டக்கியாசை யாமவை *
தொடக்கறுத்து வந்துநின்தொ ழிற்கணின்ற வென்னைநீ *
விடக்கருதி மெய்செயாது மிக்கொராசை யாக்கிலும் *
கடற்கிடந்த நின்னலாலொர் கண்ணிலேனெம் மண்ணலே
தூயனாயு மன்றியும்சு ரும்புலாவு தண்டுழாய் *
மாயநின்னை நாயினேன்வ ணங்கிவாழ்த்து மீதெலாம் *
நீயுநின்கு றிப்பினிற்பொ றுத்துநல்கு வேலைநீர்ப் *
பாயலோடு பத்தர்சித்தம் மேயவேலை கண்ணனே
பாலிற் கிடந்ததுவும் பண்டரகம் மேயதுவும் *
ஆலிற் றுயின்றதுவும் ஆரறிவார் * ஞாலத்
தொருபொருளை வானவர்தம் மெய்ப்பொருளை * அப்பில்
அருபொருளை யானறிந்த வாறு?
நாகத் தணைக்குடந்தை வெஃகா திருவெவ்வுள் *
நாகத் தணையரங்கம் பேரன்பில் * நாகத்
தணைப்பாற் கடல்கிடக்கு மாதி நெடுமால் *
அணைப்பார் கருத் தனா வான்
நாக்கொண்டு மானிடம் பாடேன் * நலமாகத்
தீக்கொண்ட செஞ்சடையான் சென்று * என்றும் பூக்கொண்டு
வல்லவா றேத்த மகிழாத * வைகுந்தச்
செல்வனார் சேவடிமேல் பாட்டு
ஆய்ந்துகொண்ட டாதிப் பெருமானை * அன்பினால்
வாய்ந்த மனதிருத்த வல்லார்கள் * ஏய்ந்ததம்
மெய்குந்த மாக விரும்புவரே * தாமும்தம்
வைகுந்தம் காண்பார் விரைந்து
இனிதிரைத் திவலை மோத எறியும்தண் பரவை மீதே *
தனிகிடந் தரசு செய்யும் தாமரைக் கண்ண னெம்மான் *
கனியிருந் தனைய செவ்வாய்க் கண்ணணைக் கண்ட கண்கள் *
பனியரும் புதிரு மாலோ எஞ்செய்கேன் பாவி யேனே
கோடியமனத்தால்சினத்தொழில்புரிந்து திரிந்துநாயினத்தொடுந்திளைத்திட்டு *
ஓடியுமுழன்றுமுயிர்களேகொன்றேன் உணர்விலேனாதலால் * நமனார்
பாடியைப்பெரிதும் பரிசழித்திட்டேன் பரமனே பாற்கடல்கிடந்தாய் *
நாடிநான்வந்துந்திருவடியடைந்தேன் நைமிசாரணியத்துளெந்தாய்
ஊனிடைச்சுவர்வைத்தென்புதூண்நாட்டி உரோமம் வேய்ந்தொன்பதுவாசல் *
தானுடைக்குரம்பைப்பிரியும்போது உன்றன்சரணமேசரணமென்றிருந்தேன் *
தேனுடைக்கமலத்திருவினுக்கரசே திரைகொள்மாந்டுங்கடற்கிடந்தாய் *
நானுடைத்தவத்தால்திருவடியடைந்தேன் நைமிசாரணியத்துளெந்தாய்
** பள்ளியாவதுபாற்கடலரங்கம் இரங்கவன்பேய்முலை *
பிள்ளையாயுயிருண்டவெந்தை பிரானவன்பெருகுமிடம் *
வெள்ளியான் கரியான் மணிநிறவண்ணனென்றெண்ணி * நாடொறும்
தெள்ளியார்வணங்கும்மலை திருவேங்கடமடைநெஞ்சமே
கறவைமுன் காத்துக் கஞ்சனைக் காய்த்த காளமே கத்திரு வுருவன் *
பறவைமுன் னுயர்த்துப் பாற்கடல் துயின்ற பரமனார் பள்ளிகொள் கோயில் *
துறைதுறை தோறும் பொன்மணி சிதறும் தொகுதிரை மண்ணியின் தென்பால் *
செறிமணி மாடக் கொடிகதி ரணவும் திருவெள்ளி யங்குடி யதுவே
** பண்டுமுன் ஏன மாகியன் றொருகால், பாரிடந் தெயிற்றினில் கொண்டு *
தெண்டிரை வருடப் பாற்கடல் துயின்ற திருவெள்ளி யங்குடி யானை *
வண்டறை சோலை மங்கையர் தலைவன் மானவேல் கலியன்வா யொலிகள் *
கொண்டிவை பாடும் தவமுடையார்கள் ஆள்வரிக் குரைகட லுலகே
** கைம்மான மழகளிற்றைக் கடல்கிடந்த கருமணியை *
மைம்மான மரகதத்தை மறையுரைத்த திருமாலை *
எம்மானை எனக்கென்று மினியானைப் பனிகாத்த
வம்மானை * யான்கண்ட தணிநீர்த் தென் னரங்கத்தே
** செங்கமலத் திருமகளும் புவியும் செம்பொன்திருவடியி னிணைவருட முனிவ ரேத்த *
வங்கமலி தடங்கடலுள் அனந்த னென்னும் வரியரவி னணைத்துயின்ற மாயோன் காண்மின் *
எங்குமலி நிறைபுகழ்நால் வேதம் ஐந்து வள்விகளும் கேள்விகளும் இயன்ற தன்மை *
அங்கமலத் தயனனையார் பயிலும் செல்வத் தணியழுந்தூர் நின்றுகந்த அமரர் கோவே
வெள்ளைநீர் வெள்ளத் தணைந்த அரவணைமேல் *
துள்ளுநீர் மெள்ளத் துயின்ற பெருமானே *
வள்ளலே உன்றமர்க் கென்றும் நமன்றமர்
கள்ளர்போல் * கண்ண புரத்துறை யம்மானே
** மூவ ரில்முன்மு தல்வன் முழங் கார்கட லுள்கிடந்து *
பூவுல ருந்திதன் னுள் புவனம் படைத் துண்டுமிழ்ந்த *
தேவர் கள்நா யகனைத் திருமா லிருஞ்சோலை நின்ற *
கோவ லர்கோவிந் தனைக் கொடி யேரிடை கூடுங்கொலோ
வங்கத்தால் மாமணிவந் துந்து முந்நீர் மல்லையாய்மதிள்கச்சி யூராய் பேராய் *
கொங்கத்தார் வளங்கொன்றை யலங்கல் மார்வன் குலவரையன் மடப்பாவை யிடப்பால் கொண்டான்
பங்கத்தாய் * பாற்கடலாய் பாரின் மேலாய் பனிவரையி னுச்சியாய் பவள வண்ணா *
எங்குற்றாய் எம்பெருமான் உன்னை நாடி ஏழையேன் இங்கனமே ஊழிதரு கேனே
கல்லுயர்ந்த நெடுமதிள்சூழ் கச்சி மேய களிறென்றும் கடல்கிடந்த கனியே என்றும் *
அல்லியம்பூ மலர்ப்பொய்கைப் பழன வேலி அணியழுந்தூர் நின்றுகந்த அம்மான் என்றும் *
சொல்லுயர்ந்த நெடுவீணை முலைமேல் தாங்கித் தூமுறுவல் நகையிறையே தோன்ற நக்கு *
மெல்விரல்கள் சிவப்பெய்தத் தடவி யாங்கே மென்கிளிபோல் மிகமிழற்றும் என்பே தையே
உரைமேற்கொண் டென்னுள்ளம் ஓவாது * எப்போதும்
வரைமேல் மரகதமே போல * திரைமேல்
கிடந்தானைக் கீண்டானை * கேழலாய்ப் பூமி
இடந்தானை யேத்தி யெழும்
பரிசு நறுமலரால் பாற்கடலான் பாதம் *
புரிவார் புகழ்பெறுவர் போலாம் * புரிவார்கள்
தொல்லமரர் கேள்வித் துலங்கொளிசேர் தோற்றத்து *
நல்லமரர் கோமான் நகர்
மனத்துள்ளான் வேங்கடத்தான் மாகடலான் * மற்றும்
நினைப்பரிய நீளரங்கத் துள்ளான் * எனைப்பலரும்
தேவாதி தேவ னெனப்படுவான் * முன்னொருனாள்
மாவாய் பிளந்த மகன்
நன்கோது நால்வேதத் துள்ளான் * நறவிரியும்
பொங்கோ தருவிப் புனல்வண்ணன் * சங்கோதப்
பாற்கடலான் பாம்பணையின் மேலான் * பயின்றுரைப்பார்
நூற்கடலான் நுண்ணறிவி னான்
இவையவன் கோயில் இரணியன தாகம் *
அவைசெய் தரியுருவ மானான் * செவிதெரியா
நாகத்தான் நால்வேதத் துள்ளான் * நறவேற்றான்
பாகத்தான் பாற்கடலு ளான்
பாற்கடலும் வேங்கடமும் பாம்பும் பனிவிசும்பும் *
நூற்கடலும் நுண்ணுல தாமரைமேல் * பாற்பட்
டிருந்தார் மனமும் இடமாகக் கொண்டான் *
குருந்தொசித்த கோபா லகன்
** பண்டெல்லாம் வேங்கடம் பாற்கடல் வைகுந்தம் *
கொண்டங் குறைவார்க்குக் கோயில்போல் * வண்டு
வளங்கிளரும் நீள்சோலை வண்பூங் கடிகை *
இளங்குமரன் றன்விண் ணகர்
வேதனை வெண்புரி நூலனை * விண்ணோர் பரவநின்ற
நாதனை ஞாலம் விழுங்கும் அநாதனை * ஞாலம்தத்தும்
பாதனைப் பாற்கடல் பாம்பணை மேல்பள்ளி கொண்டருளும்
சீதனை யேதொழு வார் * விண்ணு ளாரிலும் சீரியரே
பாலாழி நீகிடக்கும் பண்பை * யாம் கேட்டேயும்
காலாழும் நெஞ்சழியும் கண்சுழலும் * நீலாழிச்
சோதியாய்! ஆதியாய்! தொல்வினையெம் பால்கடியும் *
நீதியாய் நிற்சார்ந்து நின்று
உரைக்கிலோர் சுற்றத்தார் உற்றாரென் றாரே *
இரைக்குங் கடற்கிடந்த எந்தாய்,-உரைப்பெல்லாம் *
நின்னன்றி மற்றிலேன் கண்டாய் * எனதுயிர்க்கோர்
சொல்நன்றி யாகும் துணை
பாம்பணைமேல்பாற்கடலுள் பள்ளியமர்ந்ததுவும் *
காம்பணைதோள்பின்னைக்கா எறுடனேழ்செற்றதுவும் *
தேம்பணையசோலை மராமரமேழெய்ததுவும் *
பூம்பிணையதண்துழாய்ப் பொன்முடியம் போரேறே
உய்ந்துபோந்தென்னுலப்பிலாத வெந்தீவினைகளைநாசஞ்செய்து * உன்
தந்தமிலடிமையடைந்தேன் விடுவேனோ *
ஐந்துபைந்தலையாடரவணைமேவிப்பாற்கடல்யோகநித்திரை *
சிந்தைசெய்தவெந்தாய் உன்னைச்சிந்தைசெய்துசெய்தே
** பயிலும் சுடரொளி மூர்த்தியைப் பங்கயக் கண்ணனை *
பயில இனியநம் பாற்கடல் சேர்ந்த பரமனை *
பயிலும் திருவுடை யார்யவ ரேலும் அவர்க்கண்டீர் *
பயிலும் பிறப்பிடை தோற்றெம்மை யாளும் பரமரே
மணந்தபே ராயா மாயத்தால் முழுதும் வல்வினை யேனையீர் கின்ற *
குணங்களை யுடையாய் அசுரர்வன் கையர் கூற்றமே கொடியபுள் ளுயர்த்தாய் *
பணங்களா யிரமும் உடையபைந் நாகப் பள்ளியாய் பாற்கடல் சேர்ப்பா *
வணங்குமா றாறியேன் மனமும்வா சகமும் செய்கையும் யானும்நீ தானே
இடையில் லையான் வளர்த்த கிளிகாள் பூவைகள் காள்குயில் காள்!ம யில்காள் *
உடையநம் மாமையும் சங்கும் நெஞ்சும் ஒன்றும் ஒழியவொட் டாது கொண்டான் *
அடையும் வைகுந்த மும்பாற் கடலும் அஞ்சன வெற்பும் அவை நணிய *
கடையறப் பாசங்கள் விட்ட பின்னை அன்றி யவனவை காண்கொ டானே
** திருமாலிருஞ்சோலைமலையே திருப்பாற் கடலே என்தலையே *
திருமால்வைகுந்தமே தண் திருவேங்கடமே எனதுடலே *
அருமா மாயத் தெனதுயிரே மனமே வாக்கே கருமமே *
ஒருமா நொடியும் பிரியான் என் ஊழி முதல்வன் ஒருவனே