Thiruvithuvakkodu ( Sri Uyyavantha Perumal Temple )
| Azhwar | Paasuram | Count |
|---|---|---|
| குலசேகராழ்வார் | பெருமாள் திருமொழி | 10 |
| Total | 10 | |
** தருதுயரம் தடாயேலுன் சரணல்லால் சரணில்லை *
விரைகுழுவு மலர்ப்பொழில்சூழ் விற்றுவக்கோட் டம்மானே *
அரிசினத்தா லீன்றதாய் அகற்றிடினும் * மற்றவள்தன்
அருள்நினைந்தே யழும்குழவி அதுவேபோன் றிருந்தேனே
கண்டாரி கழ்வனவே காதலன்றான் செய்திடினும் *
கொண்டானை யல்லால றியாக்கு லமகள்போல் *
விண்டோய்ம திள்புடைசூழ் விற்றுவக்கோட் டம்மா * நீ
கொண்டாளா யாகிலுமுன் குரைகழலே கூறுவனே
மீன்நோக்கும் நீள்வயல்சூழ் விற்றுவக்கோட் டம்மாஎன் *
பால்நோக்கா யாகிலுமுன் பற்றல்லால் பற்றில்லேன் *
தான்நோக்கா தெத்துயரம் செய்திடினும் * தார்வேந்தன்
கோல்நோக்கி வாழும்கு டிபோன்றி ருந்தேனே
வாளால றுத்துச்சு டினும்ம ருத்துவன்பால் *
மாளாத காதல்நோ யாளன்போல் * மாயத்தால்
மீளாத் துயர்தரினும் விற்றுவக்கோட் டம்மா * நீ
ஆளாவு னதருளே பார்ப்பன டியேனே
வெங்கண்திண் களிறடர்த்தாய் விற்றுவக்கோட் டம்மானே *
எங்குப்போ யுய்கேனுன் னிணையடியே யடையலல்லால் *
எங்கும்போய்க் கரைகாணா தெறிகடல்வாய் மீண்டேயும் *
வங்கத்தின் கூம்பேறும் மாப்பறவை போன்றேனே
செந்தழலே வந்தழலைச் செய்திடினும் * செங்கமலம்
அந்தரஞ்சேர் வெங்கதிரோற் கல்லா லலராவால் *
வெந்துயர்வீட் டாவிடினும் விற்றுவக்கோட் டம்மா * உன்
அந்தமில்சீர்க் கல்லா லகங்குழைய மாட்டேனே
எத்தனையும் வான்மறந்த காலத்தும் பைங்கூழ்கள் *
மைத்தெழுந்த மாமுகிலே பார்த்திருக்கும் மற்றவைப்போல் *
மெய்த்துயர்வீட் டாவிடினும் விற்றுவக்கோட்
டம்மா * என் சித்தம்மிக வுன்போலே வைப்ப னடியேனே
தொக்கிலங்கி யாறெல்லாம் பரந்தோடி * தொடுகடலே
புக்கன்றிப் புறம்நிற்க மாட்டாத மற்றவைபோல் *
மிக்கிலங்கு முகில்நிறத்தாய் விற்றுவக்கோட் டம்மா * உன்
புக்கிலங்கு சீரல்லால் புக்கிலன்காண் புண்ணியனே
நின்னையே தான்வேண்டி நீள்செல்வம் வேண்டாதான்
தன்னையே * தான்வேண்டும் செல்வம்போல் மாயத்தால் *
மின்னையே சேர்திகிரி விற்றுவக்கோட் டம்மா *
நின்னையே தான்வேண்டி நிற்ப னடியேனே
** விற்றுவக்கோட் டம்மாநீ வேண்டாயே யாயிடினும் *
மற்றாரும் பற்றில்லே னென்றுஅவனைத் தாள்நயந்த *
கொற்றவேல் தானைக் குலசே கரஞ்சொன்ன *
நற்றமிழ்பத் தும்வல்லார் நண்ணார் நரகமே