^** உன்னையும் ஒக்கலையில் கொண்டு தமில்மருவி உன்னொடு தங்கள்கருத்தாயின செய்துவரும் ^*

கன்னிய ரும்மகிழக் கண்டவர் கண்குளிரக் கற்றவர் தெற்றிவரப் பெற்ற எனக்குஅருளி ^*

மன்னு குறுங்குடியாய் வெள்ளறை யாய் மதிள்சூழ் சோலை மலைக்கரசே கண்ண புரத்தமுதே ^*

என்னவலம் களைவாய் ஆடுக செங்கீரை ஏழுலகும் முடையாய் ஆடுக ஆடுகவே

^** கரண்டமாடு பொய்கையுள்க ரும்பனைப்பெ ரும்பழம் ^*

புரண்டுவீழ வாளைபாய்கு றுங்குடிநெ டுந்தகாய் ^*

திரண்டதோளி ரணியஞ்சி னங்கொளாக மொன்றையும் ^*

இரண்டுகூறு செய்துகந்த சிங்கமென்பது உன்னையே

---

3   திருமங்கையாழ்வார் – பெரிய திருமொழி – 1.6.8

ஏவினார்க்கலியார்னலிகவென்றென்மேல் எங்ஙணேவாழுமாறு ^* ஐவர்

கோவினார்செய்யுக்கொடுமையைமடித்தேன் குறுங்குடிநெடுங்கடல்வண்ணா ^*

பாவினாரின்சொல்பன்மலர்க்கொண்டு உன்பாதமேபரவிநான் பணிந்து ^* என்

நாவினால்வந்துந்திருவடியடைந்தேன் நைமிசாரணியத்துளெந்தாய்

---

4   திருமங்கையாழ்வார் – பெரிய திருமொழி – 5.6.2

^** பேரானைக் குறுங்குடியெம் பெருமானை ^* திருதண்கால்

ஊரானைக் கரம்பனூர் உத்தமனை ^* முத்திலங்கு

காரார்த்திண் கடலேழும் மலையேழிவ் வுலகேழுண்டும் ^*

ஆராதென் றிருந்தானைக் கண்டதுதென் னரங்கத்தே

---

5   திருமங்கையாழ்வார் – பெரிய திருமொழி – 6.3.3

மானேய் நோக்குநல்லார் மதிபோல்முகத்துலவும் ^*

ஊனேய் கண்வாளிக் குடைந்தோட் டந்துன் னடைந்தேன் ^*

கோனே குறுங்குடியுள் குழகா திருநறையூர்த்

தேனே ^* வருபுனல்சூழ் திருவிண் ணகரானே

---

6   திருமங்கையாழ்வார் – பெரிய திருமொழி – 9.5.1

^** தவள இளம்பிறை துள்ளுமுந்நீர்த் தண்மலர்த் தென்றலோ டன்றிலொன்றித்

துவள ^* என் னெஞ்சகம் சோரவீரும் சூழ்பனி நாள்துயி லாதிருப்பேன் ^*

இவளுமோர் பெண்கொடி யென்றிரங்கார் என்னல மைந்துமுன் கொண்டுபோன ^*

குவளை மலர்நிற வண்ணர்மன்னு குறுங்குடிக் கேயென்னை யுய்த்திடுமின்

---

7   திருமங்கையாழ்வார் – பெரிய திருமொழி – 9.5.2

தாதவிழ் மல்லிகை புல்லிவந்த தண்மதி யினிள வாடையின்னே ^*

ஊதை திரிதந் துழறியுண்ண ஓரிர வுமுறங் கேன் ^* உறங்கும்

பேதையர் பேதைமை யாலிருந்து பேசிலும் பேசுக பெய்வளையார் ^*

கோதை நறுமலர் மங்கைமார்வன் குறுங்குடிக் கேயென்னை யுய்த்திடுமின்

---

8   திருமங்கையாழ்வார் – பெரிய திருமொழி – 9.5.3

காலையும் மாலையொத் துண்டு கங்குல் நாழிகை யூழியின் நீண்டுலாவும் ^*

போல்வதோர் தன்மை புகுந்துநிற்கும் பொங்கழ லேயொக்கும் வாடைசொல்லி ^*

மாலவன் மாமணி வண்ணன்மாயம் மற்று முளவவை வந்திடாமுன் ^* கோல

மயில்பயி லும்புறவில் குறுங்குடிக் கேயென்னை யுய்த்திடுமின்

---

9   திருமங்கையாழ்வார் – பெரிய திருமொழி – 9.5.4

கருமணி பூண்டுவெண் ணாகணைந்து காரிமி லேற்றணர் தாழ்ந்துலாவும் ^*

ஒருமணி யோசையென் னுள்ளந்தள்ள ஓரிர வுமுறங் காதிருப்பேன் ^*

பெருமணி வானவ ருச்சிவைத்த பேரரு ளாளன் பெருமைபேசி ^*

குருமணி நீர்கொழிக் கும்புறவில் குறுங்குடிக் கேயென்னை உய்த்திடுமின்

---

10   திருமங்கையாழ்வார் – பெரிய திருமொழி – 9.5.5

திண்டிமி லேற்றின் மணியும் ஆயன் தீங்குழ லோசையும் தென்றலோடு ^*

கொண்டதோர் மாலையும் அந்தியீன்ற கோல இளம்பிறை யோடுகூடி ^*

பண்டைய வல்லவிவை நமக்குப் பாவியே னாவியை வாட்டஞ்செய்யும் ^*

கொண்டல் மணிநிற வண்ணர்மன்னு குறுங்குடிக் கேயென்னை உய்த்திடுமின்

---

11   திருமங்கையாழ்வார் – பெரிய திருமொழி – 9.5.6

எல்லியும் நன்பக லுமிருந்தே ஏசிலும் ஏசுக ஏந்திழையார் ^*

நல்லர் அவர்திறம் நாமறியோம் நாண்மடம் அச்சம் நமக்கிங்கில்லை ^*

வல்லன சொல்லி மகிழ்வரேனும் மாமணி வண்ணரை நாம்மறவோம் ^*

கொல்லை வளரிள முல்லைபுல்கு குறுங்குடிக் கேயென்னை உய்த்திடுமின்

---

12   திருமங்கையாழ்வார் – பெரிய திருமொழி – 9.5.7

செங்க ணெடிய கரியமேனித் தேவ ரொருவரிங் கேபுகுந்து ^* என்

அங்கம் மெலிய வளைகழல ஆதுகொ லோ என்று சொன்னபின்னை ^*

ஐங்கணை வில்லிதன் ஆண்மையென்னோ டாடு மதனை யறியமாட்டேன் ^*

கொங்கலர் தண்பணை சூழ்புறவில் குறுங்குடிக் கேயென்னை உய்த்திடுமின்

---

13   திருமங்கையாழ்வார் – பெரிய திருமொழி – 9.5.8

கேவல மன்று கடலினோசை கேண்மின்கள் ஆயன்கை ஆம்பல்வந்து ^* என்

ஆவி யளவும் அணைந்துநிற்கும் அன்றியும் ஐந்து கணைதெரிந்திட்டு ^*

ஏவலங் காட்டி இவனொருவன் இப்படி யேபுகுந் தெய்திடாமுன் ^*

கோவலர் கூத்தன் குறிப்பறிந்து குறுங்குடிக் கேயென்னை உய்த்திடுமின்

---

14   திருமங்கையாழ்வார் – பெரிய திருமொழி – 9.5.9

சோத்தென நின்று தொழவிரங்கான் தொன்னலங் கொண்டெனக்கு இன்றுகாறும் ^*

போர்ப்பதோர் பொற்படம் தந்துபோனான் போயின வூரறி யேன் ^* என்கொங்கை

மூத்திடு கின்றன மற்றவன்றன் மொய்யக லம் அணை யாதுவாளா ^*

கூத்த னிமையவர் கோன்விரும்பும் குறுங்குடிக் கேயென்னை உய்த்திடுமின்

---

15   திருமங்கையாழ்வார் – பெரிய திருமொழி – 9.5.10

^** செற்றவன் தென்னிலங் கைமலங்கத் தேவர்பி ரான்திரு மாமகளைப்

பெற்றும் ^* என் நெஞ்சகம் கோயில்கொண்ட பேரரு ளாளன் பெருமைபேசக்

கற்றவன் ^* காமரு சீர்க்கலியன் கண்ணகத் தும்மனத் துமகலாக்

கொற்றவன் ^* முற்றுல காளிநின்ற குறுங்குடிக் கேயென்னை உய்த்திடுமின்

---

16   திருமங்கையாழ்வார் – பெரிய திருமொழி – 9.6.1

^** அக்கும் புலியின் அதளும் உடையார் அவரொருவர் ^*

பக்கம் நிற்க நின்ற பண்பர் ஊர்போலும் ^*

தக்க மரத்தின் தாழ்சினையேறி ^* தாய்வாயில்

கொக்கின் பிள்ளை வெள்ளிற வுண்ணும் குறுங்குடியே

---

17   திருமங்கையாழ்வார் – பெரிய திருமொழி – 9.6.2

துங்காராரவத்திரைவந் துலவத் தொடுகடலுள் ^*

பொங்காராரவில் துயிலும் புனிதர் ஊர்போலும் ^*

செங்கா லன்னம் திகழ்தண் பணையில் பெடையோடும் ^*

கொங்கார் கமலத் தலரில் சேரும் குறுங்குடியே

---

18   திருமங்கையாழ்வார் – பெரிய திருமொழி – 9.6.3

வாழக் கண்டோம் வந்து காண்மின் தொண்டீர்காள் ^*

கேழல் செங்கண் மாமுகில் வண்ணர் மருவுமூர் ^*

ஏழைச் செங்கால் இன்துணை நாரைக் கிரைதேடி ^*

கூழைப் பார்வைக் கார்வயல் மேயும் குறுங்குடியே

---

19   திருமங்கையாழ்வார் – பெரிய திருமொழி – 9.6.4

சிரமுந்னைந்துமைந்தும் சிந்தச் சென்று ^* அரக்கன்

உரமும் கரமும் துணித்த வுரவோன் ஊர்போலும் ^*

இரவும் பகலும் ஈன்தேன் முரல ^* மன்றெல்லாம்

குரவின் பூவே தான்மணம் நாறுங் குறுங்குடியே

---

20   திருமங்கையாழ்வார் – பெரிய திருமொழி – 9.6.5

கவ்வைக் களிற்று மன்னர் மாளக் கலிமான்தேர்

ஐவர்க் காய் ^* அன் றமரில் உய்த்தான் ஊர்போலும் ^*

மைவைத் திலங்கு கண்ணார் தங்கள் மொழியொப்பான் ^*

கொவ்வைக் கனிவாய்க் கிள்ளை பேசும் குறுங்குடியே

---

21   திருமங்கையாழ்வார் – பெரிய திருமொழி – 9.6.6

தீநீர் வண்ண மாமலர் கொண்டு விரையேந்தி ^*

தூநீர் பரவித் தொழுமி னெழுமின் தொண்டீர்காள் ^*

மாநீர் வண்ணன் மருவி யுறையும் இடம் ^* வானில்

கூனீர் மதியை மாடம் தீண்டும் குறுங்குடியே

---

22   திருமங்கையாழ்வார் – பெரிய திருமொழி – 9.6.7

வல்லிச் சிறுநுண் ணிடையா ரிடைநீர் வைக்கின்ற ^*

அல்லல் சிந்தை தவிர அடைமினடியீர்காள் ^*

சொல்லில் திருவே யனையார் கனிவாய் எயிறொப்பான் ^*

கொல்லை முல்லை மெல்லரும் பீனும் குறுங்குடியே

---

23   திருமங்கையாழ்வார் – பெரிய திருமொழி – 9.6.8

நாரார் இண்டை நாண்மலர் கொண்டு நம்தமர்காள் ^*

ஆரா அன்போ டெம்பெருமானூர் அடைமின்கள் ^*

தாராவாரும் வார்புனல் மேய்ந்து வயல்வாழும் ^* கூர்வாய்

நாரை பேடையொ டாடும் குறுங்குடியே

---

24   திருமங்கையாழ்வார் – பெரிய திருமொழி – 9.6.9

நின்ற வினையும் துயரும் கெடமா மலரேந்தி ^*

சென்று பணிமி னெழுமின் தொழுமின் தொண்டீர்காள் ^*

என்றும் மிரவும் பகலும் வஜீவண் டிசைபாட ^*

குன்றின் முல்லை மன்றிடை நாறும் குறுங்குடியே

---

25   திருமங்கையாழ்வார் – பெரிய திருமொழி – 9.6.10

^** சிலையால் இலங்கை செற்றான் மற்றோர் சினவேழம் ^*

கொலையார் கொம்பு கொண்டான் மேய குறுங்குடிமேல் ^*

கலையார் பனுவல் வல்லான் கலிய னொலிமாலை ^*

நிலையார் பாடல் பாடப் பாவம் நில்லாவே

---

26   திருமங்கையாழ்வார் – திருநெடுந்தாண்டகம் – 14

முளைக்கதிரைக் குறுங்குடியுள் முகிலை மூவா மூவுலகும் கடந்தப்பால் முதலாய் நின்ற ^*

அளப்பரிய ஆரமு தை அரங்கம் மேய அந்தணனை அந்தணர்தம் சிந்தை யானை ^*

விளக்கொளியை மரகதத்தைத் திருத்தண் காவில் வெஃகாவில் திருமாலைப் பாடக் கேட்டு ^*

வளர்த்ததனால் பயன்பெற்றேன் வருக என்று மடக்கிளியைக் கைகூப்பி வங்கி னாளே

---

27   திருமங்கையாழ்வார் – பெரிய திருமடல் – 114

பொன்னி மணிகொழிக்கும் பூங்குடந்தைப் போர் விடையை ^*

தென்னன் குறுங்குடியுள் செம்பவளக் குன்றினை

---

28   நம்மாழ்வார் – திருவாய்மொழி – 1.10.9

^** நம்பியைத் தென் குறுங்குடிநின்ற ^* அச்

செம்பொனேதிக ழும்திருமூர்த்தியை ^*

உம்பர்வானவ ராதியஞ்சோதியை ^*

எம்பிரானையென் சொல்லிமறப்பனோ

---

29   நம்மாழ்வார் – திருவாய்மொழி – 3.9.2

உளனாக வேயெண்ணித் தன்னையொன்றாகத்தன்

செல்வத்தை ^* வளனா மதிக்குமிம் மானிடத்தைக்கவி பாடியென் ^*

குளனார் கழனிசூழ் கண்ணன் குறுங்குடி மெய்ம்மையே ^*

உளனாய எந்தையை எந்தைபெம்மானை ஒழியவே

---

30   நம்மாழ்வார் – திருவாய்மொழி – 5.5.1

^** எங்ஙனேயோ அன்னை மீர்காள்! என்னை முனிவது நீர் ^*

நங்கள்கோலத் திருக் குறுங்குடி நம்பியை நான்கண்டபின் ^*

சங்கினோடும் நேமி யோடும் தாமரைக் கண்களொடும் ^*

செங்கனிவா யொன்றி னொடும் செல்கின்ற தென்நெஞ்சமே

---

31   நம்மாழ்வார் – திருவாய்மொழி – 5.5.2

என்நெஞ்சி னால்நோக்கிக் காணீர் என்னை முனியாதே ^*

தென்னன் சோலைத் திருக்குறுங்குடி நம்பியை நான்கண்டபின் ^*

மின்னும் நூலும் குண்டலமும் மார்வில் திருமறுவும் ^*

மன்னும் பூணும் நான்குதோளும் வந்தெங்கும் நின்றிடுமே

---

32   நம்மாழ்வார் – திருவாய்மொழி – 5.5.3

நின்றிடும் திசைக்கும் நையுமென்று அன்னைய ரும்முனிதிர் ^*

குன்ற மாடத் திருக்குறுங்குடி நம்பியை நான்கண்டபின் ^*

வென்றி வில்லும் தண்டும் வாளும் சக்கரமும்சங்கமும் ^*

நின்று தோன்றிக் கண்ணுள்நீங்கா நெஞ்சுள்ளும் நீங்காவே

---

33   நம்மாழ்வார் – திருவாய்மொழி – 5.5.4

நீங்கநில்லாக் கண்ண நீர்களென்று அன்னையரும் முனிதிர் ^*

தேன்கொள் சோலைத் திருக்குறுங்குடி நம்பியை நான்கண்டபின் ^*

பூந்தண் மாலைத் தண்டுழாயும் பொன்முடி யும்வடிவும் ^*

பாங்கு தோன்றும் பட்டும்நாணும் பாவியேன் பக்கத்தவே

---

34   நம்மாழ்வார் – திருவாய்மொழி – 5.5.5

பக்கம்நோக்கி நிற்கும் நையுமென்று அன்னைய ரும்முனிதிர் ^*

தக்ககீர்த்திக் திருக்கு றுங்குடி நம்பியை நான்கண்டபின் ^*

தொக்கசோதித் தொண்டை வாயும் நீண்ட புருவங்களும் ^*

தக்கதாமரைக் கண்ணும் பாவியே னாவியின் மேலனவே

---

35   நம்மாழ்வார் – திருவாய்மொழி – 5.5.6

மேலும் வன்பழி நங்குடிக்கிவள் என்றன்னை காணக்கொடாள் ^*

சோலைசூழ் தண்திருக் குறுங்குடி நம்பியை நான்கண்டபின் ^*

கோலநீள் கொடிமூக்கும் தாமரைக் கண்ணும் கனிவாயும் ^*

நீலமேனியும் நான்கு தோளுமென் நெஞ்சம் நிறைந்தனவே

---

36   நம்மாழ்வார் – திருவாய்மொழி – 5.5.7

நிறைந்த வன்பழி நங்குடிக்கிவள் என்றன்னை காணக்கொடாள் ^*

சிறந்தகீர்த்தித் திருக்கு றுங்குடி நம்பியை நான்கண்டபின் ^*

நிறைந்தசோதி வெள்ளஞ் சூழ்ந்த நீண்டபொன் மேனியொடும் ^*

நிறைந்தென் னுள்ளே நின்றொழிந்தான் நேமியங் கையுளதே

---

37   நம்மாழ்வார் – திருவாய்மொழி – 5.5.8

கையுள்நன் முகம்வைக்கும் நையுமென்று அன்னைய ரும்முனிதிர் ^*

மைகொள் மாடத் திருக்குறுங்குடி நம்பியை நான்கண்டபின் ^*

செய்யதாமரைக் கண்ணு மல்குலும் சிற்றிடை யும்வடிவும் ^*

மொய்யநீள்குழல் தாழ்ந்த தோள்களும் பாவியேன் முன்னிற்குமே

---

38   நம்மாழ்வார் – திருவாய்மொழி – 5.5.9

முன்னின் றாயென்று தோழிமார்களும் அன்னைய ரும்முனிதிர் ^*

மன்னு மாடத் திருக்குறுங்குடி நம்பியை நான்கண்டபின் ^*

சென்னி நீண்முடி யாதியாய உலப்பி லணிகலத்தன் ^*

கன்னல் பாலமு தாகிவந்தென் நெஞ்சம் கழியானே

---

39   நம்மாழ்வார் – திருவாய்மொழி – 5.5.10

கழீயமிக்கதோர் காதல ளிவளென் றன்னை காணக்கொடாள் ^*

வழுவில் கீர்த்தித் திருக்குறுங்குடி நம்பியை நான்கண்டபின் ^*

குழுமித் தேவர் குழாங்கள்தொழச் சோதிவெள் ளத்தினுள்ளே ^*

எழுவதோ ருருவென் னெஞ்சுள்ளெழும் ஆர்க்கு மறிவரிதே

---

40   நம்மாழ்வார் – திருவாய்மொழி – 5.5.11

^** அறிவரிய பிரானை யாழியங்கையனை யேயலற்றி ^*

நறியநன் மலர்நாடி நன்குருகூர்ச்சடகோபன் சொன்ன ^*

குறிகொளா யிரத்துள் ளிவைபத்தும் திருக்குறுங் குடிய தன்மேல் ^*

அறியக் கற்றுவல்லார் வைட்டணவராழ்கடல் ஞாலத்துள்ளே

---