Thiru Neermalai ( Sri Neervanna Perumal Temple )
| Azhwar | Paasuram | Count |
|---|---|---|
| திருமங்கையாழ்வார் | பெரிய திருமொழி | 16 |
| திருமங்கையாழ்வார் | திருநெடுந்தாண்டகம் | 1 |
| திருமங்கையாழ்வார் | சிறிய திருமடல் | 1 |
| திருமங்கையாழ்வார் | பெரிய திருமடல் | 1 |
| பூதத்தாழ்வார் | இரண்டாம் திருவந்தாதி | 1 |
| Total | 20 | |
** அன்றாயர்கு லக்கொடி யோடணிமா மலர்மங்கையொ டன்பளவி * அவுணர்க்
கென்றானு மிரக்கமி லாதவனுக்குக் குறையுமிட மாவது * இரும்பொழில்சூழ்
நன்றாயபு னல்நறை யூர்த்திருவா லிகுடந்தை தடந்திகழ் கோவல்நகர் *
நின்றானிருந் தான்கிடந் தான்நடந்தாற் கிடம்மாமலை யாவது நீர்மலையே
காண்டாவன மென்பதொர் காடமரர்க் கரையனது கண்டவன் நிற்க * முனே
மூண்டாரழ லுண்ணமு னிந்ததுவும்அதுவன்றியும் முன்னுல கம்பொறைதீர்த்
தாண்டான் * அ வுணனவன் மார்வகலம் உகிரால்வகி ராகமு னிந்து * அரியாய்
நீண்டான்குற ளாகிநி மிர்ந்தவனுக் கிடம்மாமலை யாவது நீர்மலையே
அலமன்னு மடல்சுரி சங்கமெடுத் தடலாழியி னாலணி யாருருவில் *
புலமன்னு வடம்புனை கொங்கையினாள் பொறைதீரமு னாளடு வாளமரில் *
பலமன்னர் படச்சுட ராழியினைப் பகலோன்மறை யப்பணி கொண்டு * அணிசேர்
நிலமன்னனு மாயுல காண்டவனுக் கிடம்மாமலை யாவது நீர்மலையே
தாங்காததோ ராளரி யாயவுணன் தனைவீட முனிந்தவ னாலமரும் *
பூங்கோதையர் பொங்கெரி மூழ்கவிளைத் ததுவன்றியும் வென்றிகொள் வாளமரில் *
பாங்காகமுன் ஐவரொ டன்பளவிப் பதிற்றைந்திரட் டிப்படை வேந்தர்பட *
நீங்காச்செரு வில்நிறை காத்தவனுக் கிடம்மாமலை யாவது நீர்மலையே
மாலுங்கட லாரம லைக்குவடிட் அணைகட்டி வரம்புருவ * மதிசேர்
கோலமதி ளாயவி லங்கைகெடப் படைதொட்டொரு காலம ரிலதிர *
காலமிது வென்றயன் வாளியினால் கதிர்நீண்முடிபத்து மறுத்தமரும் *
நீலமுகில் வண்ணனெ மக்கிறைவற் கிடம்மாமலை யாவது நீர்மலையே
பாராருல கும்பனி மால்வரையும் கடலும்சுட ருமிவை யுண்டும் * எனக்
காரா தென நின்றவ னெம்பெருமான் அலைநீருல குக்கரசாகிய * அப்
பேரானைமுனிந்தமுனிக்கரையன் பிறரில்லை நுனக்கெனு மெல்லையினான் *
நீரார்ப்பே ரான்நெடு மாலவனுக் கிடம்மாமலை யாவது நீர்மலையே
புகராருரு வாகிமுனிந்தவனைப் புகழ்வீட முனிந்துயி ருண்டு * அசுரன்
நகராயின பாழ்பட நாமமெறிந்ததுவன்றியும் வென்றிகொள் வாளவுணன் *
பகராதவ னாயிர நாமமடிப் பணியாதவ னைப்பணி யாமலரில் *
நிகராயவன் நெஞ்சிடந் தானவனுக் கிடம்மாமலை யாவது நீர்மலையே
பிச்சச்சிறு பீலிபி டித்துலகில் பிணந்தின்மடவாரவர் போல் * அங்ஙனே
அச்சமிலர் நாணில ராதன்மையால் அவர்செய்கை வெறுத்தணி மாமலர்த்தூய் *
நச்சிநம னாரடை யாமைநமக் கருள்செய் எனவுள்குழைந் தார்வமொடு *
நிச்சம்நினை வார்க்கருள் செய்யுமவற் கிடம்மாமலை யாவது நீர்மலையே
பேசுமள வன்றிது வம்மின்நமர் பிறர்க்கேட்பதன் முன்பணி வார்வினைகள் *
நாசமது செய்திடும் ஆதன்மையால் அதுவேநம துய்விடம் நாண்மலர்மேல் *
வாசமணி வண்டறை பைம்புறவில் மனமைந்தொடு நைந்துழல் வார் * மதியில்
நீசரவர் சென்றடை யாதவனுக் கிடம்மாமலை யாவது நீர்மலையே
நெடுமாலவன் மேவிய நீர்மலைமேல் நிலவும்புகழ் மங்கையர் கோன் * அமரில்
கடமாகளி யானைவல்லான் கலியன் ஒலிசெய்தமிழ் மாலைவல் லார்க்கு *
உடனே விடுமால்வினை வேண்டிடில் மேலுலகும் எளிதாயிடு மன்றியி லங்கொலிசேர் *
கொடுமாகடல் வையக மாண்டுமதிக் குடைமன்னவ ராயடி கூடுவரே
அலங்கெழு தடக்கை யாயன்வா யாம்பற் கழியுமா லென்னுள்ளம் என்னும் *
புலங்கெழு பொருநீர்ப் புட்குழி பாடும் போதுமோ நீர்மலைக் கென்னும் *
குலங்கெழு கொல்லி கோமள வல்லிக் கொடியிடை நெடுமழைக் கண்ணி *
இலங்கெழில் தோளிக் கென்னினைந் திருந்தாய் இடவெந்தை யெந்தை பிரானே
ஓடா அரியாய் இரணியனை யூனிடந்த *
சேடார் பொழில்சூழ் திருநீர் மலையானை *
வாடா மலர்த்துழாய் மாலை முடியானை *
நாடோறும் நாடி நறையூரில் கண்டேனே
கதியே லில்லைநின் னருளல் லதெனக்கு *
நிதியே திருநீர் மலைநித் திலத்தொத்தே *
பதியே பரவித் தொழும்தொண் டர்தமக்குக்
கதியே * உனைக்கண்டு கொண்டுய்ந் தொழிந்தேனே
** அருவிசோர் வேங்கடம் நீர்மலை என்றுவாய் *
வெருவினாள் மெய்யம் வினவி யிருக்கின்றாள் *
பெருகுசீர்க் கண்ணபுரம் என்று பேசினாள்
உருகினாள் * உள்மெலிந் தாள்இது வென்கொலோ
மஞ்சுயர் மாமதி தீண்ட நீண்ட மாலிருஞ் சோலைம ணாளர் வந்து * என்
நெஞ்சுள்ளும் கண்ணுள்ளும் நின்று நீங்கார் நீர்மலை யார்கொல் நினைக்கமாட்டேன் *
மஞ்சுயர் பொன்மலை மேலெ ழுந்த மாமுகில் போன்றுளர் வந்துகாணீர் *
அஞ்சிறைப் புள்ளுமொன் றேறி வந்தார் அச்சோவொரு வரழகியவா
** ஒருநற் சுற்றம் எனக்குயிர் ஒண்பொருள் *
வருநல் தொல்கதி யாகிய மைந்தனை *
நெருநல் கண்டது நீர்மலை யின்றுபோய் *
கருநெல் சுழ்கண்ண மங்கையுள் காண்டுமே
கார்வண்ணம் திருமேனி கண்ணும் வாயும் கைத்தலமும் அடியிணையும் கமல வண்ணம் *
பார்வண்ண மடமங்கை பித்தர் பித்தர் பனிமலர்மேல் பாவைக்குப் பாவம் செய்தேன் *
ஏர்வண்ண என்பேதை எஞ்சொல் கேளாள் எம்பெருமான் திருவரங்க மெங்கே என்னும் *
நீர்வண்ணன் நீர்மலைக்கே போவேன் என்னும் இதுவன்றோ நிறையழிந்தார் நிற்கு மாறே
காரார்க் குடந்தை கடிகை கடல்மல்லை *
ஏரார் பொழில் சூழ் இடவந்தை நீர்மலை
நென்னலை யின்றினை நாளையை * நீர்மலைமேல்
மன்னும் மறைநான்கும் ஆனானை
பயின்ற தரங்கம் திருக்கோட்டி * பன்னாள்
பயின்றதுவும் வேங்கடமே * பன்னாள் பயின்ற
தணிதிகழும் சோலை யணிநீர் மலையே *
மணிதிகழும் வண்தடக்கை மால்