Thiruvarangathamudhanar_Thaniyan

முன்னை வினையகல மூங்கிற் குடியமுதன் ^*

பொன்னங் கழற்கமலப் போதிரண்டும் ^* என்னுடைய

சென்னிக்கு அணியாகச் சேர்த்தினேன் தென்புலத்தார்க்கு ^*

என்னுக் கடவுடையேன் யான்

நயந்தரு பேரின்பமெல்லாம் பழுதின்றி நண்ணினர்பால் ^*

சயந்தரு கீர்த்தி இராமானுசமுனி தாளிணைமேல் ^*

உயர்ந்த குணத்துத் திருவரங்கத்தமுது ஓங்கும்அன்பால் ^*

இயம்பும் கலித்துறை அந்தாதி ஓத இசைநெஞ்சமே

இனி என் குறை நமக்கு எம்பெருமானார் திருநாமத்தால் ^*

முனி தந்த நூற்றெட்டு சாவித்திரி என்னும் நுண்பொருளை ^*

கனி தந்த செஞ்சொற் கலித்துறை அந்தாதி பாடித் தந்தான் ^*

புனிதன் திருவரங்கத்து அமுதாகிய புண்ணியனே

சொல்லின் தொகைகொண்டு உனதடிப் போதுக்குத் தொண்டுசெய்யும் ^*

நல்லன்பர் ஏத்துமுன் நாமமெல்லாம் என்றன் நாவினுள்ளே ^*

அல்லும் பகலும் அமரும் படிநல்கு அறுசமயம்

வெல்லும் பரம ^* இராமானுசா இதுஎன் விண்ணப்பமே