Vinayagar Agaval

Vinayagar Agaval (Tamil)

Vinayagar Agaval (English)

சீதக் களபச் செந்தா மரைப்பூம்

பாதச் சிலம்பு பலவிசை பாட

பொன்னரை ஞாணும் பூந்துகில் ஆடையும்

வன்னமருங்கில் வளர்ந்தழ கெறிப்பப்

பேழை வயிறும் பெரும்பாரக் கோடும்

வேழ முகமும் விளங்குசிந் தூரமும்

அஞ்சு கரமும் அங்குச பாசமும்

நெஞ்சிற் குடிகொண்ட நீல மேனியும்

நான்ற வாயும் நாலிரு புயமும்

மூன்று கண்ணும் மும்மதச் சுவடும்

இரண்டு செவியும் இலங்குபொன் முடியும்

திரண்டமுப் புரிநூல் திகழொளி மார்பும்

சொற்பதம் கடந்த துரியமெய்ஞ் ஞான

அற்புதம் நின்ற கற்பகக் களிறே

முப்பழ நுகரும் மூஷிக வாகன

இப்பொழு தென்னை ஆட்கொள வேண்டித்

தாயா யெனக்குத் தானெழுந் தருளி

மாயாப் பிறவி மயக்கம் அறுத்து

திருந்திய முதலைந் தெழுத்தும் தெளிவாய்ப்

பொருந்தவே வந்தென் உளந்தனில் புகுந்து

குருவடி வாகிக் குவலயந் தன்னில்

திருவடி வைத்துத் திறமிது பொருளென

வாடா வகைதான் மகிழ்ந்தெனக் கருளிக்

கோடா யுதத்தால் கொடுவினை களைந்தே

உவட்டா உபதேசம் புகட்டியென் செவியில்

தெவிட்டாத ஞானத் தெளிவையும் காட்டி

ஐம்புலன் தன்னை அடக்கும் உபாயம்

இன்புறு கருணையின் இனிதெனக் கருளிக்

கருவிக ளொடுங்கும் கருத்தினை யறிவித்து

இருவினை தன்னை அறுத்திருள் கடிந்து

தலமொரு நான்கும் தந்தெனக் கருளி

மலமொரு மூன்றின் மயக்கம் அறுத்தே

ஒன்பது வாயில் ஒருமந் திரத்தால்

ஐம்புலக் கதவை அடைப்பதும் காட்டி

ஆறா தாரத்து அங்குச நிலையும்

பேறா நிறுத்திப் பேச்சுரை யறுத்தே

இடைபிங் கலையின் எழுத்தறி வித்துக்

கடையிற் சுழுமுனைக் கபாலமும் காட்டி

மூன்றுமண் டலத்தின் முட்டிய தூணின்

நான்றெழு பாம்பின் நாவில் உணர்த்திக்

குண்டலி யதனிற் கூடிய அசபை

விண்டெழு மந்திரம் வெளிப்பட உரைத்து

மூலா தாரத்தின் மூண்டெழு கனலைக்

காலால் எழுப்பும் கருத்தறி வித்தே

அமுத நிலையும் ஆதித்தன் இயக்கமும்

குமுத சகாயன் குணத்தையும் கூறி

இடைச்சக் கரத்தின் ஈரெட்டு நிலையும்

உடல்சக் கரத்தின் உறுப்பையும் காட்டிச்

சண்முக தூலமும் சதுர்முக சூக்கமும்

எண் முகமாக இனிதெனக் கருளிப்

புரியட்ட காயம் புலப்பட எனக்குத்

தெரியெட்டு நிலையும் தெரிசனப் படுத்திக்

கருத்தினில் கபால வாயில் காட்டி

இருத்தி முத்தி யினிதெனக் கருளி

என்னை யறிவித்து எனக்கருள் செய்து

முன்னை வினையின் முதலைக் களைந்து

வாக்கும் மனமும் இல்லா மனோலயம்

தேக்கியே யென்றன் சிந்தை தெளிவித்து

இருள்வெளி யிரண்டுக்கு ஒன்றிடம் என்ன

அருள்தரும் ஆனந்தத்து அழுத்தியென் செவியில்

எல்லை யில்லா ஆனந் தம்அளித்து

அல்லல் களைந்தே அருள்வழி காட்டி

சத்தத்தின் உள்ளே சதாசிவம் காட்டிச்

சித்தத்தின் உள்ளே சிவலிங்கம் காட்டி

அணுவிற்கு அணுவாய் அப்பாலுக்கு அப்பாலாய்க்

கணுமுற்றி நின்ற கரும்புள்ளே காட்டி

வேடமும் நீறும் விளங்க நிறுத்திக்

கூடுமெய்த் தொண்டர் குழாத்துடன் கூட்டி

அஞ்சக் கரத்தின் அரும்பொருள் தன்னை

நெஞ்சக் கருத்தின் நிலையறி வித்துத்

தத்துவ நிலையைத் தந்தெனை யாண்ட

வித்தக விநாயக விரைகழல் சரணே

Seetha kallabha chenthamaraippum

Paatha chilambhu pala isai paada

Pon araignanum poonthugil aadayum

Vanna marungil valarindu azhakerippa

Pezhai vayirum perum para kodum

Vezha mugamum vilangu chindooramum

Anju karamum angusa pasamum

Nenjil kudi konda neela meniyum

Naandra Vaayum naliru puyamum

Moondru kannum Mumatha chuvadum

Irandu sevyum ilangu pon mudyum

Thiranda muppiri nool thigazh oli maarbum

Chor padam kadantha thurya mey gnana

Arpudham nindra karpaga kalire

Mupazham nugarum Mooshiga Vaagana

Ipozhuthu ennai aat kola vendi

Thayai enaku than ezhundhu aruli

Mayay piravi mayakam aruthu

Thirundhiya mudhal aiynthu ezhthum thelivai

Porunthave vandhu en ulam thanil pugunthu

Guru vadivaagi kuvalayam thanil

Thiruvadi vaithu thiramidhu porulena

Vaada vagaithan magizhthenakku aruli

Kodayuthatal kodu vinai kalainthae

Uvata ubadesam pugati en seviyil

Tevitadha gnyana thelivayum kaati

Iym pulam thanai adakum ubayam

Inburi karunai inithenaku aruli

Karuvigal odungum karuthinai arivithu

Iru vinai thanai aruthu irul kadinthu

Thalamoru Naangum thanthena karuli

Mala moru moondrin mayakam aruthu

Onbatu vaayil oru mandhirathaal

Iym pula kadhavai adaipathum kaati

Aaratharathu angusa nilayum

Pera niruthi pechurai aruthe

Idai pingalayin ezhuthu arivithu

Kadayin suzhu munai kabalamum kaati

Moondru mandalathin mutya thoonin

Nandrezhu paambin naavil unarthi

Kundali adanil koodiya asabai

Vindezhu mandiram velipada uraithu

Moola tharathu moondrezhu kanalai

Kaalal ezhupum karuthu arivithae

Amudha nilayamum adhithan iyakkamum

Kumudha sagayamum gunathayum koori

Idai chakarathin irettu nilayum

Udar chakarathin urupayum kaati

Shanmuga thoolamum chatur muga sookshamum

En mugamaga inithenaku aruli

Puryata kayam pulapada ennaku

Theryatta nilayam darisana paduthi

Karuthinil kabala vayul kaati

Iruthi mukthi inithenakku aruli

Ennai arivithu enakarul seytha

Munnai vinnayin mudalai kalainthu

Vaakum manamum illa manolayam

Thekiye endhan sinthai thelivithu

Irul veli irandirkku ondridam yenna

Arul tharum aanandhathai azhuthi en seviyil

Ellai illa aananthan alithu

Allal kalainthu arul vazhi kaati

Sathathin ulle sada sivam kaati

Sidhathin ulle siva lingam kaati

Anu virku anuvai Appalukku appalaai

Kanu mutri nindra karumbule kaati

Vedamum neerum vilanga niruthi

Koodum mei thondar kuzhathudan kooti

Anja karathin arum porul thanil

Nenja karathin nilai arivithu

Thathuva nilayai thanthu yennai aanda

Vithaga vinayaga viraikazhal charane