Thiru thuvarapathi ( Dwaraka – Sri Kalyana Narayana Perumal Temple )
| Azhwar | Paasuram | Count |
|---|---|---|
| பெரியாழ்வார் | பெரியாழ்வார் திருமொழி | 5 |
| ஆண்டாள் | நாச்சியார் திருமொழி | 4 |
| திருமழிசை ஆழ்வார் | நான்முகன் திருவந்தாதி | 1 |
| திருமங்கையாழ்வார் | பெரிய திருமொழி | 2 |
| நம்மாழ்வார் | திருவாய்மொழி | 1 |
| Total | 13 | |
பொல்லா வடிவுடைப் பேய்ச்சிதுஞ்சப் புணர்முலை வாய்மடுக்க
வல்லானை * மாமணி வண்ணனை மருவுமிடம் நாடுதிரேல் *
பல்லாயிரம் பெருந்தேவி மாரொடு பெளவம் ஏறிதுவரை *
எல்லாரும்சூழச் சிங்காசனத்தே இருந்தானைக் கண்டாருளர்
திரைபொரு கடல்சூழ் திண்மதிள் துவரை வேந்துதன் மைத்துனன் மார்க்காய் *
அரசினை யவிய அரசினை யருளும் அரிபுரு டோத்தம னமர்வு *
நிரைநிரை யாக நெடியன யூபம் நிரந்தரம் ஒழுக்குவிட்டு * இரண்டு
கரைபுரை வேள்விப் புகைகமழ் கங்கை கண்டமென் னும்கடி நகரே
** வடதிசை மதுரை சாளக்கி ராமம் வைகுந்தம் துவரை அயோத்தி *
இடமுடை வதரி யிடவகை யுடைய எம்புரு டோத்தம னிருக்கை *
தடவரை யதிரத் தரணிவிண் டிடியத் தலைப்பற்றிக் கரைமரம் சாடி *
கடலினைக் கலங்கக் கடுத்திழி கங்கைக் கண்டமென் னும்கடி நகரே
பதினாறா மாயிரவர் தேவிமார் பணிசெய்ய * துவரை யென்னும்
அதில்நா யகராகி வீற்றிருந்த மணவாளர் மன்னு கோயில் *
புதுநாண் மலர்க்கமலம் எம்பெருமான் பொன்வயிற்றில் பூவே போல்வான் *
பொதுநா யகம்பாவித்து இருமாந்து பொன்சாய்க்கும் புனல ரங்கமே
** தடவரைவாய் மிளிர்ந்துமின்னும் தவளநெடுங் கொடிபோல் *
சுடரொளியாய் நெஞ்சினுள்ளே தோன்றும்என் சோதிநம்பீ *
வடதடமும் வைகுந்தமும் மதிள்துவ ராபதியும் *
இடவகைகள் இகழ்ந்திட்டுஎன்பால் இடவகை கொண்டனையே
சுவரில் புராணநின் பேரேழுதிச் சுறவநற் கொடிகளும் துரங்கங்களும் *
கவரிப் பிணாக்களும் கருப்புவில்லும் காட்டித்தந் தேன்கண்டாய் காமதேவா *
அவரைப் பிராயந் தொடங்கிஎன்றும் ஆதரித் தெழுந்தவென் தடமுலைகள் *
துவரைப் பிரானுக்கே சங்கற்பித்துத் தொழுதுவைத் தேனொல்லை விதிக்கிற்றியே
ஆவ லன்புட யார்தம் மனத்தன்றி
மேவ லன் * விரை சூழ்துவ ராபதிக்
காவ லன் * கன்று மேய்த்து விளையாடும் *
கோவ லன்வரில் கூடிடு கூடலே
காலை யெழுந்திருந்து கரியகுரு விக்கணங்கள் *
மாலின் வரவுசொல்லி மருள்பாடுதல் மெய்ம்மைகொலோ *
சோலை மலைப்பெருமான் துவராபதி யெம்பெருமான் *
ஆலி னிலைப்பெருமான் அவன் வார்த்தை யுரைக்கின்றதே
கூட்டிலிருந்து கிளியெப்போதும் கோவிந்தாகோவிந்தாவென்றழைக்கும் *
ஊட்டுக்கொடாதுசெறுப்பனாகில் உலகளந்தானென்றுயரக்கூவும் *
நாட்டிற்றலைப்பழியெய்தி உங்கள்நன்மையழிந்துதலையிடாதே *
சூட்டுயர்மாடங்கள் சூழ்ந்துதோன்றும் துவராபதிக்கென்னையுய்த்திடுமின்
சேயன் அணியன் சிறியன் மிகப்பெரியன் *
ஆயன் துவரைக்கோ னாய்நின்ற- மாயன் * அன்
றோதிய வாக்கதனைக் கல்லார் * உலகத்தில்
ஏதிலராய் மெய்ஞ்ஞான மில்
முலைத்தடத்த நஞ்சுண்டு துஞ்சப் பேய்ச்சி முதுதுவரைக் குலபதியாக் காலிப்பின்னே *
இலைத்தடத்த குழலூதி யாயர் மாதர் இனவளைகொண் டானடிக்கீ ழெய்தகிற்பீர் *
மலைத்தடத்த மணிகொணர்ந்து வைய முய்ய வளங்கொடுக்கும் வருபுனலம் பொன்னிநாடன் *
சிலைத்தடக்கைக் குலச்சோழன் சேர்ந்த கோயில் திருநறையூர் மணிமாடம் சேர்மின்களே
கட்டேறு நீள்சோலைக் காண்டவத்தைத் தீமூட்டி
விட்டானை * மெய்யம் அமர்ந்த பெருமானை *
மட்டேறு கற்பகத்தை மாதர்க்காய் * வண்துவரை
நட்டானை நாடி நறையூரில் கண்டேனே
அன்னையென் செய்யிலென் ஊரென் சொல்லிலென் தோழிமீர் *
என்னை யினியுமக் காசை யில்லை யகப்பட்டேன் *
முன்னை யமரர் முதல்வன் வண்துவ ராபதி
மன்னன் * மணிவண் ணன்வாசு தேவன் வலையுளே