^** நீரகத்தாய் நெடுவரையி னுச்சி மேலாய் நிலாத்திங்கள் துண்டகத்தாய் நிறைந்த கச்சி

ஊரகத்தாய் ^* ஒண்துரைநீர் வெஃகா வுள்ளாய் உள்ளுவா ருள்ளத்தாய் ^* உலக மேத்தும்

காரகத்தாய் கார்வானத் துள்ளாய் கள்வா காமருபூங் காவிரியின் தென்பால் மன்னு

பேரகத்தாய் ^* பேராதென் நெஞ்சி னுள்ளாய் பெருமான்உன் திருவடியே பேணி னேனே

வங்கத்தால் மாமணிவந் துந்து முந்நீர் மல்லையாய்மதிள்கச்சி யூராய் பேராய் ^*

கொங்கத்தார் வளங்கொன்றை யலங்கல் மார்வன் குலவரையன் மடப்பாவை யிடப்பால் கொண்டான்

பங்கத்தாய் ^* பாற்கடலாய் பாரின் மேலாய் பனிவரையி னுச்சியாய் பவள வண்ணா ^*

எங்குற்றாய் எம்பெருமான் உன்னை நாடி ஏழையேன் இங்கனமே ஊழிதரு கேனே

---

20   திருமங்கையாழ்வார் – திருநெடுந்தாண்டகம் – 19

முற்றாரா வனமுலையாள் பாவை மாயன் மொய்யகலத் துள்ளிருப்பாள் அஃதும் கண்டும்

அற்றாள் ^* தன் நிறையழிந்தாள் ஆவிக் கின்றாள் அணியரங்க மாடுதுமோ தோழீ என்னும் ^*

பெற்றேன்வாய்ச் சொல்லிறையும் பேசக் கேளாள் பேர்ப்பாடித் தண்குடந்தை நகரும் பாடி ^*

பொற்றாம ரைக்கயம்நீ ரா டப் போனாள் பொருவற்றா ளென்மகள்உம் பொன்னும் அஃதே

---

21   திருமங்கையாழ்வார் – சிறிய திருமடல் – 70

^** மதிட் கச்சி ஊரகமே பேரகமே ^*

பேரா மருதிருத்தான் வெள்ள றையே வெஃகாவே

---

22   திருமங்கையாழ்வார் – பெரிய திருமடல் – 118

^** மன்னும் அரங்கத்தெம் மாமணியை ^*

வல்லவாழ் பின்னை மணாளனை பேரில் பிறப்பிலியை

---

23   நம்மாழ்வார் – திருவாய்மொழி – 10.8.1

^** திருமாலிருஞ்சோலை மலைமென்றேன் என்ன ^*

திருமால்வந்து என் நெஞ்சு நிறையப் புகுந்தான் ^*

குருமா மணியுந்து புனல்பொன்னித் தென்பால் ^*

திருமால்சென்று சேர்விடம் தென் திருப்பேரே

---

24   நம்மாழ்வார் – திருவாய்மொழி – 10.8.2

பேரே யுறைகின்ற பிரான் இன்று வந்து ^*

பேரேனென் றென்னெஞ்சு நிறையப் புகுந்தான் ^*

காரேழ் கடலேழ் மலையே ழுலகுண்டும் ^*

ஆராவ யிற்றானை யடங்கப் பிடித்தேனே

---

25   நம்மாழ்வார் – திருவாய்மொழி – 10.8.3

பிடித்தேன் பிறவி கெடுத்தேன் பிணிசாரேன் ^*

மடித்தேன் மனைவாழ்க்கை யுள்நிற்பதோர் மாயையை ^*

கொடிக்கோ புரமாடங்கள் சூழ்திருப் பேரான் ^*

அடிச்சேர்வதெனெனக்கெளி தாயின வாறே

---

26   நம்மாழ்வார் – திருவாய்மொழி – 10.8.4

எளிதா யினவாறென் றெங்கண்கள் களிப்ப ^*

களிதா கியசிந் தையனாய்க் களிக்கின்றேன் ^*

கிளிதா வியசோலைகள் சூழ்திருப் பேரான் ^*

தெளிதா கியசேண் விசும்புதரு வானே

---

27   நம்மாழ்வார் – திருவாய்மொழி – 10.8.5

வானே தருவா னெனக்காயென் னோடொட்டி ^*

ஊனேய் குரம்பை யிதனுள் புகுந்து ^* இன்று

தானே தடுமாற்ற வினைகள் தவிர்த்தான் ^*

தேனே பொழில்தென் திருப்பேர் நகரானே

---

28   நம்மாழ்வார் – திருவாய்மொழி – 10.8.6

திருப்பேர் நகரான் திருமாலிருஞ்சோலைப் ^*

பொருப்பே யுறைகின் றபிரானின்றுவந்து ^*

இருப்பேன் என் றென்னேஞ்சு நிறையப் புகுந்தான் ^*

விருப்பே பெற்றமு த முண்டு களித்தேனே

---

29   நம்மாழ்வார் – திருவாய்மொழி – 10.8.7

உண்டு களித்தேற்கு  உம்பரென் குறை ^* மேலைத்

தொண்டு களித்தந்தி தொழும்சொல்லுப் பெற்றேன் ^*

வண்டு களிக்கும் பொழில்சூழ் திருப்பேரான் ^*

கண்டு களிப்பக் கண்ணுள்நின் றகலானே

---

30   நம்மாழ்வார் – திருவாய்மொழி – 10.8.8

கண்ணுள்நின் றகலான் கருத்தின்கண் பெரியன் ^*

எண்ணில்நுண் பொருளே ழிசையின் சுவைதானே ^*

வண்ணநன் மணிமாடங்கள் சூழ்திருப் பேரான் ^*

திண்ணமென் மனத்துப் புகுந்தான் செறிந்தின்றெ

---

31   நம்மாழ்வார் – திருவாய்மொழி – 10.8.9

இன்றென்னைப் பொருளாக்கித் தன்னையென் னுள்வைத் தான் ^*

அன்றென்னைப் புறம்பொகப் புணர்த்ததென் செய்வான் ^*

குன்றென்னத் திகழ்மாடங்கள் சூழ்திருப் பேரான் ^*

ஒன்றெனக் கருள்செய்ய வுணர்த்தலுற் றேனே

---

32   நம்மாழ்வார் – திருவாய்மொழி – 10.8.10

^** உற்றே னுகந்து பணிசெய் துனபாதம்

பெற்றேன் ^* ஈதேயின் னம்வேண் டுவதெந்தாய் ^*

கற்றார் மறைவாணர் கள்வாழ் திருப்பேராற்கு ^*

அற்றார் அடியார் தமக்கல்லல் நில்லாவே

---

33   நம்மாழ்வார் – திருவாய்மொழி – 10.8.11

^** நில்லா அல்லல் நீள்வயல்சூழ் திருப்பேர்மேல் ^*

நல்லார் பலர்வாழ் குருகூர்ச் சடகோபன் ^*

சொல்லார் தமிழா யிரத்துள் இவைபத்தும்

வல்லார் ^* தொண்டராள் வதுசூழ்பொன் விசும்பே

---